圍威喂 (荃灣廣場) (已結業)

前两日和朋友逛荃湾广场，见到一间餐厅名好得意，名为围威喂嘅泰式餐厅，见到餐牌有好多新式嘅泰国菜式，便决定入内食晚餐，点咗三款泰式食品，落单后好快就上菜喇。青咖喱猪颈肉青咖喱和椰汁好香浓又唔会太辣，件件厚切嘅猪颈肉够嫩有咬口，加入豆角、粟米芯，茄子等配菜，丰富口感之余份量足料。😋 围威喂泰式胀卜卜蟹肉奄列 蟹肉有鲜味，奄列里面除咗有蟹肉之外，仲有豆角粒和洋葱，增加口感，奄列嘅蛋皮煎得甘香唔油腻仲分量十足👍围威喂炒金边粉，炒得好有镬气，金边粉条条分明，味道酸酸甜甜，大量嘅鸡肉嫩滑唔嚡口，虾肉爽口弹牙，额外洒上辣椒碎和花生粒，更添惹味😋。本来还想叫多个小食，但怕食唔晒，唯有等下次啦😄