潮膳 (已結業)

由细到大我都好钟意食潮州卤水，最钟意食嘅唔系卤水鹅，而系卤水翼，咁啱又系湾仔嘅朋友话俾我听呢一间新开嘅卤水做得唔错，咁就趁今晚返香港岛训就去试一试。叫咗碗蚝仔粥，一个大嘅卤水拼盘，仲有个脆炸墨鱼片。果然冇介绍错，卤水够香够入味，我钟意佢唔会有过分嘅甜味，佢唔系淡嘅卤水，佢系好深色，好多香料嘅豉油卤水，个味道真系平衡得好好，讲返我嘅至爱，虽然系个拼盘，师傅都俾咗几旧大大只嘅掌翼我地，真系好耐好耐好耐冇食过呢个size嘅掌翼，你出去其他潮州铺买，就算佢话系大只，其实都唔大得去边，反而呢度真系真材实料，另外一样我好钟意佢嘅地方，就系佢系俾鹅件，而唔系比鹅片你，识食嘅一定系食鹅件，连皮带肉有骨，仲要有少少肥，香口到不得了！仲有豆腐，大豆芽，猪耳同埋腩肉，呢个拼盘价值300分！蚝仔粥做出应有水准，略嫌佢猪肉碎比得多得滞！今晚最大嘅惊喜竟然系呢个墨鱼片，我嘅朋友因为怕胆固醇所以令到我极度满足，差唔多成碟都比我食晒，唔知佢点样整，令到𠮶个酥炸嘅脆片，一啲都唔介口，日后真系苏苏脆脆，𠮶个墨鱼片，入口实在，每一啖都食得好满足！下次返嚟净系食墨鱼片同埋叫掌翼就够啦~