牛角日本燒肉專門店 (元朗廣場)

营业中

休息中

因为有汇丰信用卡嘅关系，我哋叫咗呢一个超级抵食嘅套餐。好满足丫，依家就带大家睇吓呢个餐有乜嘢正嘢啦！当日我哋有五个人，叫咗一个牛角大皿烧肉套餐同一个牛角海鲜烧肉盛合套餐。先讲沙律，分别有温泉玉子凯撒沙律同埋有牛角沙律。温泉玉子凯撒沙律非常清新，蔬菜亦都非常新鲜。而我个人系较为钟意牛角沙律，色彩缤纷，有唔同嘅蔬菜。以下分别就系两个套餐嘅肉食。有猪牛鸡。当然啦系牛角食嘢梗系食牛最好食嘅。其他肉类都非常新鲜，烧完即刻食真系juicy 到爆！大家记住食佢哋既肉，要点佢哋嘅盐酱，能够调出肉嘅香味，鲜味。真系睇见啲肉都流口水呀，你睇吓佢哋juicy几啖啖肉！除咗肉之外，以下就系佢哋套餐所包嘅海鲜。个人认为佢嘅蚝鲜甜肥美，的确值得一试！由于我哋五个人嘅关系，四人餐其实系有啲唔够， 我哋叫多咗两个牛角饭，抵食之余又塞饱我哋呀！总括嚟讲，每人只需二百几蚊，就能够享受牛角新鲜嘅食物，的确系唔错嘅选择。有汇丰信用卡嘅朋友，都可以试吓佢嘅平价套餐㗎。