影片
更多
2021-08-07
62 浏览
今日晏昼响时代广场同其他市民好紧张咁睇住李慧诗入四强之后，又差唔多系时间去食晚饭，行行下去左间越南餐厅，见佢都好新净，点左几样食物决试吓。招牌葱油烤牛肉金边粉好大碗，我同男朋友share都够食，葱同芽叶好多，牛肉汤好好味，金边粉亦都非常爽滑弹牙，menu写烤牛肉，不过原来系牛肉碎粒，可能自己误会，不过都几好味。香茅鸡翼一碟5只，好香香茅味，鸡皮炸得好脆，唔会㶶，已经冇晒皮下脂肪，鸡肉仍然嫩滑，唔嚡，食落外脆内软，好好味。越南脆炸虾饼一碟每人3块左右，唔算细块，食落都几弹牙，密度几高，好有虾味，而且系刚刚炸起，热辣辣又香脆，香葱加上炸蒜令虾饼更加惹味。网纸虾春卷卖相同一般越南春卷一样，一口咬下好脆，几好味，食到芋头粒，不过食唔到有虾，有啲不似预期，一问之下话因为d虾系磨碎咗去整，可能其他食材盖过虾味，建议老板娘用多啲虾去整，增加虾味。志明奶茶见餐厅海报写「成世流流长总会遇到一杯好嘅奶茶」，既然咁样写，即管点一杯同男朋友一齐试吓，饮落比一般奶茶甜，但茶味好突出，味道唔错，久唔久试吓其他味道嘅奶茶都唔错。总括而言，呢度系抵食又好味，两个人食到好饱，整体上呢间餐厅都算非常唔错，希望下次黎时个虾
招牌葱油烤牛肉金边粉
好大碗，我同男朋友share都够食，葱同芽叶好多，牛肉汤好好味，金边粉亦都非常爽滑弹牙，menu写烤牛肉，不过原来系牛肉碎粒，可能自己误会，不过都几好味。
香茅鸡翼
一碟5只，好香香茅味，鸡皮炸得好脆，唔会㶶，已经冇晒皮下脂肪，鸡肉仍然嫩滑，唔嚡，食落外脆内软，好好味。
越南脆炸虾饼
一碟每人3块左右，唔算细块，食落都几弹牙，密度几高，好有虾味，而且系刚刚炸起，热辣辣又香脆，香葱加上炸蒜令虾饼更加惹味。
网纸虾春卷
卖相同一般越南春卷一样，一口咬下好脆，几好味，食到芋头粒，不过食唔到有虾，有啲不似预期，一问之下话因为d虾系磨碎咗去整，可能其他食材盖过虾味，建议老板娘用多啲虾去整，增加虾味。
志明奶茶
见餐厅海报写「成世流流长总会遇到一杯好嘅奶茶」，既然咁样写，即管点一杯同男朋友一齐试吓，饮落比一般奶茶甜，但茶味好突出，味道唔错，久唔久试吓其他味道嘅奶茶都唔错。
总括而言，呢度系抵食又好味，两个人食到好饱，整体上呢间餐厅都算非常唔错，希望下次黎时个虾春卷有所调整。
张贴
