中央飯店

营业中

休息中

今日细佬生日，佢无乜心水，我见中央饭店咁多好评，一直都想去，于是就今日去试下。好似好多食评咁讲，饭店环境系老式饭店咁，最特别系位于商场之内，颇为隐蔽。我地未够七点去到，都仲有好多位（晏啲就多好多客，但都未坐满）。今晚只有五个人，加埋点左五𩠌一汤。由于份量都几大，最后都食唔晒，剩返少少。白果腐竹猪肚汤：奶白色的汤水非常鲜甜，带少少胡椒味。盐焗鸡：鸡肉好滑好入味，平时唔多食鸡的弟妇都多食左几件。荔芋香酥鸭：外皮炸得好脆，芋泥清甜，但鸭就鞋左少少。油泡生鱼：生鱼好滑，唔错。带子豆苖：一般水准，但都ＯＫ。梅菜扣肉：扣肉用左多瘦少肥的，较合而家啲人的口味，梅菜好甜，送饭一流。埋单每人唔使一百，味道不俗，份量又足，确系一个唔错的选择。