純寿司 (已結業)

纯寿司多数食寿司都系去连锁既舖头，上次系元朗食过发现唔错，今次司令就试沙田尼间纯寿司。晚餐时段超级多人等位，司令都等左60个号码先入得😫。 同元朗相比，元朗比较高档，尼间比较似板长个种，两间menu亦有少少差别。上菜速度非常快，五分钟左右就陆续到齐。寿司款式都多，三文鱼腩好新鲜好好食，吞拿鱼蓉手卷食落够香冇根，encore左几个。熟食方面亦唔错，其中炸芝士薯蓉波非常有惊喜，一咬落去芝士漏晒出尼啊，仲有一样司令觉得好好食既系蒜香三文鱼军舰，真系做到好有蒜香好新奇，可惜冇影到相😟。另外系尼到食蛋糕唔需要切饼费，员工仲自动自觉帮大家收碟换新碟，最重要系唔贵，司令五个人食只系每人$130左右，非常抵赞。