鱻屋 (已結業)

之前喺网上见到呢间铺头，话系平价高质嘅日本餐厅，所以一直都好想去试，今日终于有机会去食啦！佢喺太安楼入面，好细间，但系门面好有日式味道。 我叫左一个吞拿鱼饭，比我想像中好味！吞拿鱼鱼腩油脂分布均匀，而且色泽好靓，好新鲜！放入口，油脂会慢慢系个口入面溶化，好肥美，而且系鲜甜。再配埋豉油同埋芥辣食，就更加突出佢嘅鲜味！另外隔离仲有吞拿鱼茸，好柔软，味道都唔错。佢仲有一个人有铺头名嘅蛋，好松软，食落似食紧蛋糕仔。 碗饭唔单止好食，而且仲摆得好靓！你睇下张相，吞拿鱼同埋吞拿鱼茸都摆得好整齐，再配埋日式蛋饼，加埋啲配菜，令到碗饭睇落去更加高质素，似系去咗高级料理铺度食。