麵屋常勝

营业中

休息中

观塘东广场有好多小店可以选择，见到呢间价钱抵食同布置得好有日本拉面小店感觉，于是同朋友决定食呢间。我哋叫左两个拉面套餐同两款小食。黑蒜油豚骨汤叉烧拉面，另加糖心蛋。汤底香浓，饮得出冇落味精，用心制作。糖心蛋流心又嫩滑，同拉面一齐食，好夹。加埋套餐A滋味鸡软骨半份，鸡软骨份量都多。浓郁鸡白汤叉烧拉面，另加玉米同糖心蛋。汤底真系好浓郁，饮落好顺口同香，唔油腻，配埋肥美嘅叉烧一齐食，好滋味。加埋套餐D日式饺子2只，配上饺子汁啱啱好。两款小食：炸鱿鱼须同蟹肉忌廉薯饼外皮都炸得好松脆，炸鱿鱼须食到阵阵鱿鱼香味，口感唔错。蟹肉忌廉饼外皮饱满，馅料软熟。总括而言，我哋食得好开心，餐厅环境虽小但坐得舒服，食物质素唔错同性价比高。