中環茶記 (已結業)

去中环饮嘢时间尚早，打算揾间茶记快食打个底，见到呢度设计好怀旧，两秒都唔使就决定入去试～～餐牌基本上系茶记食品，晚事都系经典扒类，最过瘾系有mocktail???皇牌杂扒餐 $118唔好睇少杂扒餐，其实佢性价比超高！里面有猪扒﹑鸡扒﹑牛扒﹑珍宝肠﹑烟肉仲有薯菜，份量而言一个女仔一定食唔晒！加咗烧汁之后，杂扒香气飘晒出嚟，最欣赏系牛扒牛肉味好浓郁，一Ｄ都唔韧，仲有好强烈黑椒味，系咁多款扒之中最好食！猪扒睇落「鞋鞋地」，实际上系好有口感，好够咸香又无多余脂肪，亦好容易切～铁板甜酸虾球双面王 $78喜欢脆脆面嘅我忍唔住点咗佢，酱汁甜味多过酸味，彻底包住所有食材，虾球玲珑弹牙，唔系雪藏虾，都几有鲜味，虽然洋葱好大旧，但唔会喧宾夺主，三色椒亦好爽口。至于脆脆面如其名相当香口，里面仲有少少软身面配搭，可以带返Ｄ饱肚咁出来，不过份量实在太多，我一个人食唔晒，但佢的确抵食。龙凤柠乐 $24成杯冰将柠檬同青柠分为上下隔，咁样处理令你饮嘅时候柠檬味都分阶段敲击味蕾，味道变得更多元化，食完咁强烈口味嘅食物饮返呢Ｄ清新组饮品，即时减腻！香浓朱古力咖啡 $32特别叫店员要少甜，出到嚟又真系唔系好甜，朱古力味好突