影片
更多
2025-02-17
0 浏览
之前都食过，味道系唔错嘅，而且都算抵食，虽然环境就唔系舒适𠮶只，少少逼啦又唔算好过份嘅。预先 book 咗枱六点半，唔驶等直接入座，手机 QR Code 落单，当其时已经有几样「招牌菜」显示售罄，好在我地 book 枱时预先留咗炸子鸡。七个人叫咗九个𩠌，样样都好食，连埋饮品埋单 $832，都几抵食。系有个小插曲，因为其实都有少少逼，加上张枱都有Ｄ唔稳阵，隔离枱食客离座起身嘅时候，唔小心将个食具架成个整跌落地下，食具散落一地，其实职员都有望过，应该系睇到嘅。之后见个食客都将Ｄ食具执返起，将个架瞓低喺枱面后就离开，不过店员执枱嘅时候，就只系扶返起个食具架，再示意下一枱食客入座。我就当佢可能刚才唔为意Ｄ食具过晒地啦，无谓店家难做，就行出去同店员讲声话Ｄ食具都污糟晒架喇，不过店员都只系「哦」咗一声就行咗去继续送餐，结果... 都系冇换过Ｄ食具，而下一枱食客亦都系照样咁用Ｄ食具（按：见佢地有用纸巾抹下先用嘅）。咁样其实食物再好味，但店员连做个样换一换嘅门面工夫都懒，见得到都犹且系咁，见唔到嘅就唔敢想像，咁就真系几好食我都冇下次啰～
预先 book 咗枱六点半，唔驶等直接入座，手机 QR Code 落单，当其时已经有几样「招牌菜」显示售罄，好在我地 book 枱时预先留咗炸子鸡。七个人叫咗九个𩠌，样样都好食，连埋饮品埋单 $832，都几抵食。
系有个小插曲，因为其实都有少少逼，加上张枱都有Ｄ唔稳阵，隔离枱食客离座起身嘅时候，唔小心将个食具架成个整跌落地下，食具散落一地，其实职员都有望过，应该系睇到嘅。
之后见个食客都将Ｄ食具执返起，将个架瞓低喺枱面后就离开，不过店员执枱嘅时候，就只系扶返起个食具架，再示意下一枱食客入座。我就当佢可能刚才唔为意Ｄ食具过晒地啦，无谓店家难做，就行出去同店员讲声话Ｄ食具都污糟晒架喇，不过店员都只系「哦」咗一声就行咗去继续送餐，结果... 都系冇换过Ｄ食具，而下一枱食客亦都系照样咁用Ｄ食具（按：见佢地有用纸巾抹下先用嘅）。
咁样其实食物再好味，但店员连做个样换一换嘅门面工夫都懒，见得到都犹且系咁，见唔到嘅就唔敢想像，咁就真系几好食我都冇下次啰～
张贴
