喜運點心專門店 (已結業)

近排放假喺屋企无嘢做，同屋企人出下街去饮个早茶。孖宝餐有两款，我哋拣咗肠粉餐。叉烧肠粉拉得好滑，中间叉烧肥瘦均匀，加咗芫茜食落更加香。另外点心拣咗虾饺，虾饺皮咬落烟韧有口感，虾肉口感爽脆味道鲜甜。牛肉球啖啖肉软滑弹牙，淋上喼汁酸酸地好好食。烧卖系用虾肉整，上面加咗蟹籽更有咬口。金银蒜带子饺用咗虾肉、蟹柳同带子肉做馅，味道好丰富。外层加咗素翅同埋蟹籽作点缀。金钱肚蒸得好腍，入口软嫩好入味。呢间餐厅嘅点心系即叫即蒸，食落特别好味！