美盛匯 (已結業)

今日去到湾仔呢一边朋友介绍咗间民生食堂俾我谂住一齐去简单食吓嘢！我就问佢点解今次会带我去食民生嘢嘅、佢话呢轮食得太丰富，今日想食得简单啲！呢间餐厅都面积算大，有九款唔同嘅𩠌菜俾你选择、叉烧同肉饼系最受欢迎，仲有唔同嘅蔬菜可以补给营养！当然佢嘅种类都算系比较多，仲可以任食添！除咗有唔同嘅嘢食，佢仲有一个Bar系专门整水饺同云吞牛腩、面都可以大大碗，非常抵食！再加上饭堂都会有水果供应都系任食！有西瓜同埋橙！感觉非常健康！最后当然唔少得有糖水啦一碗暖入心嘅喳喳就一定要食！除咗好好食，好重椰香味之外，亦都好多唔同嘅配料好丰富！最后再配上马拉糕做甜品亦都系非常之独特！除此之外，呢度嘅饮品都系任饮㗎，民生食堂讲紧基本自助餐都系$98一位、除咗抵食入面嘅𩠌味道都唔差㗎！加上好近湾仔地铁地段，有好多喺度返工嘅人都专程嚟食呢间！美盛汇湾仔告士打道88号2楼全层