幸鮨屋 (已結業)

位于石塘咀呢一间日式店 一直都系我想试嘅 小店之一， 地理位置十分方便位于香港大学站， 附近只需要行5分钟就到。 店内位置都尚算宽敞， 可能系因为我食六点， 铺头啱啱开，所以冇咩人，可以自由拣位坐。佢嘅餐好抵食， 睇完menu， 今次我就点咗两份 自选寿司拼盘套餐， 再加一个一口和牛小食。 成个餐超大份， 我拣咗火灼系列嘅寿司， 整整有六件， 另外叫咗个拖罗蓉丼， 仲有天妇罗虾同蕃薯。 朋友则叫咗三文鱼系列寿司， 足足有七件寿司，仲叫咗蟹肉丼， 同埋鱼生刺生。 佢嘅蟹肉丼超好食，拖罗蓉丼就好新鲜。至于一口和牛小食亦都好好食 ，好大碟，性价比好高，而且有好香牛油味。 睇完menu， 发觉原来午餐套餐仲抵， 会有沙律同汤送， 所以下午嚟食嘅朋友会更优惠。