幸福甜品屋 (已結業)

近排每个星期六一早都要黎附近(直头系隔离)返学，天气冻左唔够训又唔食早餐(想悭钱)所以上两个星期都病病地搅到集中唔倒精神上堂，今个星期终于决定食完早餐先上堂。呢区已经唔旺，呢头直头算系呢区比较静既地方，都无乜特别野食，见倒求其茶餐厅就行入去，见倒个餐牌，有小小吓亲，两个食送一个面加热饮都系$15？虽然要出前一丁既话要加两蚊，不过我一向唔偏爱所以无转，几年前已经唔易揾倒何况而家，即刻叫个沙爹肥牛炒蛋面加杯热咖啡试下，一黎杯咖啡虽然无乜特别，但比起一般茶餐厅呢度算大杯，然后个面都比我想像中大碗，炒蛋应该两只份量，仲有好似比较少茶餐厅会用肥牛做沙爹牛肉面既料，份量一样唔少，质素都几好添，食到我好鬼饱都只系$15，之后上堂个人真系唔同晒，下星期继续黎！