Ricco (已結業)

行过长沙湾，偶然发现呢一间小店。正想去食西餐嘅时候，见到佢价钱非常亲民而且卖相非常好。就决定咗行入去。入到去果然有惊喜，所有炸嘅嘢食都非常之脆卜卜。唔会炸到好干之余，食落一啲都唔会油腻，啲肉里边仲满有肉汁。仲有值得一试就系佢哋个薯条，食落唔会出油真系食完一条又想食多条。Fish and chips 仲有炸鸡脾系一定要食！之后就系肉酱薯蓉，唔会太咸又唔会太heavy。意粉都可以话系交足功课，一大旧鱼连埋其他海鲜。食落唔会得个咸字，就算炸完都仲食到旧鱼既肉汁。啲意粉又唔会话太干，配埋个青汁加埋啲海鲜一齐食非常夹。