太郎居酒屋

营业中

休息中

今日收工经过尖沙咀同朋友去食呢间楼上居酒屋，入到门口见到充满日本风，有好多日系摆设。见佢原来有二人套餐，发觉又几抵食，$688 加一。首先会有蚬肉味噌汤，热辣辣入面有好多蚬肉。之后就会有三款刺身，分别系帆立贝油甘鱼同三文鱼。刺身都比较大件厚肉，鲜味十足。之后又有足料关东煮一共有七款，萝卜朔晒啲汤汁好淋超级入味，有年糕福袋、鱼饼、芋丝，仲有椰菜猪肉卷、牛蒡卷、鹌鹑蛋，款式好丰富。佢仲有五款串烧可以选择，推介烧白鳝，皮脆肉滑，鱿鱼须鲜甜入味。仲要左鸡翼，五花腩同埋牛柳粒，食得好满足。佢套餐我哋要咗牛肉寿喜烧，有满满嘅日本肥牛，再配埋金菇，吸收晒寿喜烧汁嘅精华，简直一流。之后仲有个小食要咗清酒煮蚬，蚬肉饱满清酒鲜甜。套餐仲有甜品，朱古力蛋糕，估唔到居酒屋大家都食到满载而归。