Domon 居酒屋 (淘大商場3期) (已結業)

淘大花园商场既餐厅不嬲都多选择，每次行过都有新选择，近来开左一间札幌居酒屋- Domon分店，日本料理食物选择够多又好食，唔系只得刺身寿司，好多款式都值得一试。海老惠方卷 $68由炸海老、蟹柳、青瓜、黄瓜同玉子包而成既卷物非常好味，炸海老够晒松脆，配合青瓜黄瓜减低热气感，沾埋沙律酱就超级好味。芝士海老脆脆 $48一份四件既海老脆脆有d似炸云吞，里面充满海老即系虾肉，每件炸得金黄香脆，沾埋芝士酱汁口感一流。烧免治鸡肉棒 $42免治鸡肉肉厚又嫩滑，烧得面头金香，但里面仍保持嫩滑。烧秋葵 $28本身我不大喜欢秋葵里面滑散散既质感，但烧秋葵令到秋葵变得比较干身，又有益又好味。烧粟子薯 $28粟子薯一串有三粒，名附其实，烧薯味道完全粟子，但系薯仔质地，口感不错。火山石清酒煮花蛤 $68一锅有六大只花蛤，每只花蛤肉厚新鲜，配合清酒煮，清酒味带出花蛤更鲜甜，火山石能保持锅既热度，食到最后汤底全清，十分好味。酱烧豚丼 $68豚丼份量啱一至二人，饭唔多但豚肉好多，豚肉酱油烧，带点肥既豚肉好香，又够厚，配合酱汁有点甜味，绝对推介。