北海道爐端燒 (已結業)

第三次黎食，因为食物质素唔错又唔贵，但啲服务依然好唔掂。见到有4个女仔明明book左枱，但被安排bar枱，咁人地食饭都系想倾下计，所以走左。另外有三个外国人得两个bar枱位，店员话会安排，所以有个人本身谂住走都企喺到等，最后等左好耐，店员爱理不理咁，我朋友开口问先话安排唔到。不过平心而论食物的确唔错，特别系烧物。羊架 $58x2外层烧得微脆，肉嫩多汁，带少许羊膻味，比好多西餐厅做得更出色，十分推介。芝麻烟肉沙律 $48用上黑芝麻酱都几特别，食落其实同普通芝麻酱只味好似，加上烟肉粒提味，食落清新又惹味。特上寿司盛盒 $198比上次做得好，寿司大小适中，鱼生都几新鲜。炸年糕 $48等左好耐，因为催左两次店员先发现漏单。新鲜炸起都几油，但真系做到外脆内软，加上流心芝士，真系好满足。盐烧味噌渍鲑鱼腩 $52鱼腩好肥美，充满鱼脂香，烧得啱啱好。坐喺bar枱望住师傅做串烧，都系一种享受，虽然其他店员服务唔掂但串烧师傅好有礼貌，值得一赞。