熊貓小雲吞 (鯉魚門廣場)

营业中

休息中

今日打风唔出去咁远食饭，买外卖，屋企附近一间之前食过都唔错，今次再帮衬。我同老公点了5样食物share,食得又饱又满意。马蹄冬菇豚肉水饺（8只）$48 有8只，大只，馅料足，水饺皮薄，马蹄入口好爽，唔错。啖啖肉猪扒油酥热捞面（幼面）$56块猪扒有手掌咁大块，个油酥捞面入口食落好烟靭，酱料味道够浓郁。老北京担担面（BB辣）$35个担担面点了BB辣，辣得好香，面同样烟靱，配合青瓜丝好清爽。凉拌松花皮蛋$23皮蛋叫了不辣，劲多芫荽，个皮蛋好香。炸鸡翼5只（蜜汁芥末）$36外皮炸得脆香，黄金色好吸引，连同芥末酱惹味，外脆内嫩，好好味既小食。