天府川菜

营业中

休息中

天后依间川菜干净企理、座位阔落，午市套餐抵食仲免加一，菜式可以自选辣度，辣瘾一到一于试试～夏天热辣辣最啱食凉面－手撕鸡鸡肉好嫩唔系好嚡嘅鸡胸位，面条唔会黏埋一饼，同花椒油、青瓜丝、口水鸡肉拌匀后口感丰富，香口惹味。红烧牛肉系厚切嘅卤水牛𦟌，睇落好实但咬落腍身带啲胶质，红薯粉有嚼劲，汤底甜甜地建议至少嗌小辣会浓味啲。红油抄手嘅辣油香气十足，云吞皮好滑溜，系肉馅比较细粒。第一次食红糖糍粑，有啲似炸年糕，外脆内烟韧，沾上黄豆粉同红糖糖浆，香甜软糯好滋味，一定要趁热食！又点会谂到食川菜会有珍奶饮🤪 港式奶茶茶底配珍珠，几特别又可以解下辣。