天府川菜

营业中

休息中

之前喺門口經過幾次，今次終於的起心肝試下呢間小店好唔好食啦。一入到去，見到得1個員工，之後見到有個小朋友同婆婆出現，就意會到係家庭式經營嘅餐廳。可能因為咁，基本上間餐廳無乜服務可言 (可能又咁啱撞正星期六下午茶D時間，阻住佢地一家天倫樂) 口水雞｜｜$28口水汁唔會好咸又夠麻辣，夠濃味得黎又唔會口渴，雞肉彈牙，可能因為午市個價錢真係好平嘅關係，佢俾晒d雞翼位我 (仲有幾件痴住雞胸嘅骨但去左雞胸肉得返好薄一層雞肉)，就本人黎講，雞翼位都仲可以接受，始終呢個價錢仲想點? 但用骨黎墊底呢個行為本人就唔太欣賞。鮮椒魚米線｜｜$78好足料! 好麻! 好食! 用左青紅辣椒、新鮮同乾花椒，個湯夠晒麻! 魚片爽滑彈牙，份量又夠多又大片! 唯一美中不足係魚片無起骨，好在無大安旨意係咁易咬兩下就吞者~ (呢度要溫馨提示一下大家，小心食魚，d骨仲要幾長下，怕食魚骨嘅人唔建議點呢個菜式)酸梅湯｜｜$8 (午市跟餐價)唔夠酸，似烏梅湯多d，無酸梅湯飲落果種清新又開胃嘅感覺，但味道都ok嘅 (因為唔會好甜)。整體感覺：小店黎講性價比都幾高，味道正宗，價錢又公道，只係無乜服務同有d位唔夠細心 (例如上述魚片去埋骨，

一家三口大熱天時想食辣嘢於是就搵到呢間。感覺上有啲似家庭式經營，收銀侍應都係私底下用四川話溝通。點咗四個餸，酸辣雞雜、酸辣土豆絲、螞蟻上樹、夫妻肺片… 全部揀中辣。味道上基本上都可以，除咗螞蟻上樹比較淡… 唔知係咪食咗其他，所以覺得無乜味。😅

點了兩個套餐＇兩杯杯飲品，等了半個鐘，吹了服務員幾次，好不容易才來了兩杯飲品！又再等了半小時，食物都還沒有回來＇服務員只是叫我們一路再等！我看見其他顧客亦都有類似的情況出現。客人都等得不耐煩。結果超過1小時，亦沒有服務員和我跟進，不知道再要等多久，結果直接埋單走了走。其實如果廚房應付不來，應該一開始跟我們溝通要等多久，並不是一直只是叫我們等！我亦不明白為什麼飲品(其實只是罐裝啤酒） 亦要等半小時後才有，服務水準實在太差了，以後都不用會再去！

地方雅潔，有鍋氣性價比高的午餐之選！大雨滂沱的日子，從天后站幾步就到。有機會要試試他們店的招牌菜。今日今日60元一個套餐，有飯有菜有飲品，再加上清淨雅潔的環境，必須點贊和推薦！

今日去咗間鬼馬的四川菜館，實話實說，幾正！我一坐低就點咗招牌酸菜魚紅薯粉，呢個湯頭足料又惹味，酸酸辣辣啱晒我嚟，個魚片溜之極溜，簡直係滑過舌頭，好入心肺噃！跟住，我額手稱慶咁試咗紅燒牛肉飯，個牛肉咬落軟綿綿，又吸滿咗醬汁，有啲微辣，令人食慾大開，嘴巴唔自覺嘅就嚟多幾啖！啊噢，嗰碟乾煸四季豆啊，無論係賣相定係味道，都俾個讚先！滿滿嘅肉碎，炒得豆角外酥內脆，巧妙地攪拌出鹹香開胃嘅好滋味！口水雞嘅話，嗱，陣陣花椒香，啖啖嫩滑肉質，麻麻辣辣，簡直係饞得我口淚流晒啦！仲有得拍枱都唔冧嘅芒果沙冰，呢個我畀滿分！杯邊滿出嚟嘅芒果粒粒，甜滋滋嘅冰沙，啜一口咁開心，好似夏天嚟咗一樣！最後呢，講吓啲酒釀丸子，丸子Q彈到飛起，食落去心暖笠笠，簡直係完美收場！總之，喺呢度嘅美食，正！切合我想辣嘅心情，一次過服務嗮我成個胃，食完之後，覺得：呢啲辣，真係辣到我心入面！🌶️👅💥

已經在訂單中備注中辣大麻，但餐廳完全不看備注，來的水煮魚完全無法食，食了兩口，個胃痛了成晚。浪費了成盤水煮魚，想不到外賣和堂食相差咁多如果餐廳人員不看備注，那開個備注個位有咩用水煮魚一直都是點的都是中辣大麻，但今天的這個水煮魚太差了，魚也不新鮮，還有少少腥味，而且點的是中辣，但來的完全是大辣。土匪豬肝還不錯，但外賣的味道還是有區別的。至於土豆絲，還是不推薦了，沒有什麼味道，而且也不夠酸味，也對不起這個價。水煮魚真的大失所望。

今日突然想食酸菜魚 就黎左呢間試下✨酸菜桂花魚 $328啲魚係幾滑同埋係有魚味 但係有魚骨 😵 同埋個湯我覺得主要係得個咸字🙈🙈😖 唔係好酸辣 啲酸菜都唔酸😢✨夫妻肺片 $88一食落口就係醋味好勁 偏酸 🙈🙈 味道冇乜層次 ✨手絲雞涼麵 $68都係好普通🙈🙈🙈 啲麵冇彈性🥲 雞冇乜雞味🍺青島 $30總括黎講味道一般 啲好評應該都似係買返黎🙈🙈 唔推薦 環境都坐得幾舒服嘅味道❤️❤️❤️💔抵食❤️❤️❤️服務❤️❤️❤️環境❤️❤️❤️💔💰晚餐人均～$280(收+1)

朋友介紹的川菜餐廳，去過两次，每次都食到好飽，两次食完都好想再去，價錢吾算平，但真系值呢個價，每度菜都好有四川風味，推价剁椒魚頭，酸菜魚，鮮椒魚. 環境都好舒服. 附近都好多餐廳

✏️以前經常去天后地區都是為了做運動或只是經過，驟眼法國的確有好多特色小店。今次又由我帶大家去體驗一下川菜🌶️🌶️🌶️ 樓面亦很乾淨👍🏻本人唔係好食得辣，但係呢度嗌小辣的確係辣度上一啲都冇難度🩷✏️乾鍋椰菜花乾鍋裏有啲鹹肉片。如果食素可走肉。有火爐補温，椰菜花越煮越淋，食到尾聲椰菜花仲係暖笠笠。夠惹味🤤✏️口水雞因為是雞髀位置，雞肉夠曬嫩滑，而且每件雞肉都均勻沾上辣油同麻油，非常夠味🤤✏️香辣串串蝦香噴噴，一串串大大的蝦鋪滿，真的很有誠意，個人認為真的是必點之選💯‼️咬一口，蝦殼的味道香辣無比，肉質帶鮮味。食到我跟朋友都讚口不斷。送酒一流💯‼️💯‼️✏️鐵板水晶粉內有豬肉、酸包菜、土豆粉等，吃起来味道酸中帶辣，入口濃香，口感又爽脆又軟靭彈滑💯‼️💯‼️舔舔脷指數：🌟🌟🌟🌟🌟🌟/6環境指數: 🌟🌟🌟🌟🌟🌟/6服務指數：🌟🌟🌟🌟🌟🌟/6性價比指數：🌟🌟🌟🌟🌟🌟/6回頭指數：🌟🌟🌟🌟🌟🌟/6＜滿分🌟🌟🌟🌟🌟🌟>以上屬小編主觀（非專業）食評，所有意見只供參考

最近試左依間新川菜餐廳，品嚐了他們的泡椒鱔魚、燒椒雞、手撕雞涼麵和乾煸四季豆，真的是一頓美味的盛宴。 泡椒鱔魚是我最喜歡的一道菜。 鱔魚肉質鮮嫩，搭配上酸辣的泡椒味道，口感非常好。 燒椒雞也很不錯，雞肉口感鮮嫩，辣椒和花椒的香味讓人回味無窮。 手撕雞涼麵也是一道非常特別的菜餚，麵條口感勁道，搭配上手撕雞肉和各種調味料，味道非常棒。 最後，乾煸四季豆也是一道非常好吃的小菜，四季豆炒得香脆，搭配上辣椒和蒜頭的味道，真是美味無比。 總體來說，感覺這家川菜館的菜餚味道非常地道，口感也很棒，絕對有家的味道。 如果你喜歡吃辣的川菜，絕對推介這間餐廳。

鐘意食辣既我，川菜都好岩我口味朋友介紹位於天后呢間小店價錢唔貴又相當出色，今日就同同事去試吓水煮牛、毛血旺、酸菜魚、乾鍋及涼拌小食，仲有特色飲品，可以解辣裝修光猛，乾淨、以卡位為主，坐得舒服又闊落午餐有好多選擇平均價錢都係$60-70，好抵食喎我地叫咗兩個午餐水煮牛肉紅薯粉，牛肉好嫩滑，配有芽菜及寬粉份量好多啊乾煸四季豆飯，四季豆配肉碎炒，有四川風味加多一點鹹香天府乾鍋，配料非常豐富；有蝦、牛肉、蓮藕、椰菜花、午餐肉、田雞、魷魚和薯仔等……味道非常地道，麻辣及香料帶出整碟菜嘅味覺層次仲有好多菜式都想試，下次多啲朋友一齊嚟，可以試多啲

朋友帶我黎食川菜，天后有好多餐廳，清風街呢間川菜都幾特別，小菜有辣有唔辣，好好味，即叫即煮食材新鮮，香辣牛辣得黎又香口，入面有辣油底，加埋莞茜同醬汁甘真係好夾，呢度好多位置都係卡位，鐘意飲酒仲有多款啤酒選擇，梗有一款岩你既，仲有甜品芒果沙冰唔係得冰味係有香濃芒果味既，小菜叫左一碟炒鱔糊，鱔魚肉彈牙好味，餐廳職員友善，上菜速度好快，唔駛等好耐就好快煮好，佢仲有水煮系列，下次可以黎叫水煮魚，見佢個樣都好吸引甘。

位於天后的川菜小館，餐廳整潔，座位寬闊，牆壁掛滿川菜图片，睇到令人垂憐三尺。...今天有點餓，2個人要了三道川菜，首先是酸菜桂花魚。桂花魚整條起骨切片，肉白鮮嫩，配上酸菜的酸味，和花椒的香味，十分開胃。要的是小辣，真的不辣，看來下次要中辣比較好🫡。酸菜魚湯底配製了冬粉、芽菜和酸菜，開胃可口。...接下來是水煮牛肉，也是小辣，但辣度剛好，牛肉切厚片，入口軟嫩，十分美味。湯底有大量芽菜，跟牛肉搭配著吃，芽菜爽口，牛肉嫩滑😍，正👍🏻。...最後是手撕雞涼麵，雞肉肉質鮮嫩（可惜有點少），撕成絲狀，搭配菜館自調的涼麵醬和涼麵一起吃，口感清爽，很適合夏天食用。...整體而言，餐廳環境清潔舒適，服務態度也很好，值得回頭。

朋友話想嘗辣，講到辣，當然系食川菜，近近地來到天府川菜。韭香牛肉十分鐘意呢道菜，性價比高高，除了多分量牛肉外，湯底藏有大量娃娃菜。韭香濃郁，牛肉嫩滑细腻，娃娃菜也鮮甜。黃金炸饅頭伴煉奶外層金黃薄酥脆，內裡細密軟綿，配上煉奶，簡單而滋味，重拾兒時回憶，以前自己好鐘意食。四川涼面份量多，性價比高甚高，微辣，加埋芝麻醬和花生脆脆粒更香，面質口感佳。整體而言，環境舒適整潔，菜式富川菜特色，建議食lunch 免加一服務費！

川菜絕對係最受歡迎嘅中國菜系，嗰種麻辣味道嘅層次真係會令人食上癮㗎！嚟到天后呢個臥虎藏龍嘅美食小區，當然唔少得川菜餐廳啦！天府川菜以茶餐廳格局，所以價錢非常親民，加上由四川靚仔廚師主理，真係令人好hot呀，唔知辛辣度會唔會係18禁呢？涼拌木耳前菜就揀咗非常醒胃嘅涼拌木耳，木耳非常爽脆，酸味較重，唔會太辣，作為開胃菜就啱哂。燒椒雞燒椒雞係天府人家其中一道特色嘅招牌菜，外表有啲似口水雞，但上面鋪滿剁碎咗嘅青辣椒同芝麻，唔算太辣，配上嫩滑雞件，口感味道豐富。乾煸四季豆講到川菜嘅菜類選擇，又點少得四季豆呢？乾煸四季豆炒得非常乾身，四季豆非常脆嫩，辣味啱啱好，炒得非常惹味！手撕雞涼麵食咗咁多辣嘢，諗住就叫返個涼麵中和一下，點知呢個手撕雞涼麵都淋上麻辣汁，正呀！涼麵口感煙韌，雞肉索晒麻辣味，加上多汁嘅爽脆青瓜，口感非常有層次，夠晒惹味。草莓益力多食辣嘢點都要叫番杯特飲，呢杯草莓益力多，就係大家所認識嘅益力多加上士多啤梨。值得一讚嘅係，店主非常大方，益力多嘅比例多，酸酸甜甜，非常醒胃解辣！另外，士多啤梨用新鮮士多啤梨打成，相信成本價非常高呢！芒果沙冰大大杯嘅芒果沙冰，甜度適中，凍到入心，夠晒醒胃解辣