十二味 (赫德道)

营业中

休息中

落单用QRcode，非常方便，大部分菜式都可以拣小辣中辣大辣，午市套餐虽然比普通一碟细碟啲，但相对平啲又多碗饭，非常抵食。*干煸四季豆(午) $52一个午市套餐有咁多嘢食。四季豆炒至干身缩水，啱啱好断生，唔会过腍，可惜唔够入味，反而肉末臊子本身好重口味，偏死咸。白饭大碗，松软干身，可惜差啲米香。仲有小菜云耳同埋盒装柠檬茶。川式口水鸡 $68凉菜口水鸡，系冻冰冰嘅，鸡皮弹牙，皮下脂肪少，鸡肉肉质唔会干柴，最后有青瓜粒铺底。我地拣小辣，辣味完全只系来自辣油，辣得嚟冇乜层次感，而且份量少，少少失望。人见人爱酸菜鱼(配粉条) $256鱼块滑嫩，冇骨啖啖肉，差在鱼鲜味。粉条份量多，弹牙，食到嗦嗦声。酸菜系碎酸菜，酸菜汤亦唔够酸，辣嘅存在比酸嘅存在大好多。配菜有大块莴苣，鸡髀菇，少少白萝卜薯仔片，索晒酸菜汤汤底。红糖糍粑 $48糍粑系糯米打糕，比年糕更加重米香烟韧，夹埋香脆嘅外皮，感觉十分过瘾。黄豆粉+红糖浆亦系不败组合，系进阶版嘅日式蕨饼。