泰妹餐廳 (The Wave) (已結業)

出开去观塘做嘢，通常我都会去工厦揾食，因为唔驶吓吓食连锁店，有时会发掘到啲隐世美食，见到呢欗工厦好似几型格咁，咁啱又想食泰国嘢，于是就上去试吓。餐厅走简约风，唔会有好华丽嘅装修，但正值中午时间，比较多人，所以都等咗阵。午餐叫咗冬荫公大头虾海鲜汤面，有时好怕啲冬阴公会好咸，呢度唔会，配埋汤面刚刚好，除大头虾外，仲会有啲蚬同鱿鱼，汤面加埋啲芽菜一齐食，好清爽。另外叫咗海南鸡饭，鸡肉好滑，饭系用香料干葱同煮，但唔会话好油，最正系啲汁，我钟意点晒3只酱，又甜又酸又辣，用嚟捞饭同点鸡肉都得。青柠梳打有淡淡青柠香，好清新。泰式奶茶系少甜，都几啱我。呢餐两个人埋单都系$100左右，都算系抵食。