759車仔麵 (已結業)

今日好晏至食早餐，到午餐时间仲系觉得好饱， 唔想食咁多嘢，但系又唔知食乜嘢好？咁啱行过好运中心呢间餐厅， 佢嘅主打系车仔面，但我今日又唔想食车仔面，见有个常餐好似几好㖞，就不如试下常餐喇！个餐包括牛油方包、火腿奄列、沙爹牛肉米线/通粉，仲有咖啡或茶㖭。落咗柯打后好快有阿姐送食物嚟，唔使自己去攞，好方便，服务唔错。沙爹牛肉D牛肉唔靱，沙爹都几香，但系D米线就煮得太淋喇。面包质素唔错，奄列虽然火腿唔多，但以35蚊一个餐嚟计，都算好抵啦，如果你有759卡，仲有95折㖭