達成茶餐廳

营业中

休息中

路过葵芳，想快食常餐，见呢间常餐比其他茶餐厅平，就拣佢啦。佢仲有五香肉丁同鲜牛肉拣，有啲餐厅呢两样𩠌系要额外加钱，呢间就唔需要，个餐$35。呢个常餐有牛油方饱，仲可以拣多士添。平时多士要加几钱而佢又唔洗㖞，噉当然要多士啦。多士新鲜够脆，仲搽满左几多牛油，可惜得半片，不过好味。叫左五香肉丁米加煎蛋，热奶茶。碗米粉好大碗，仲有菜添，正㖞，都俾唔少肉丁架 个煎蛋仲要系我至爱嘅流心呀😍。奶茶就不过不失啦，茶味唔够香。伙记都好有礼貌，同啲食客（我谂系街坊）都有讲有笑。佢地仲成日拖地，唔知系咪惊近日肺炎呢。