金拇指米線 (紅磡廣場) (已結業)

今日收工有老公接放工，返工开会开咗几个钟连晏昼都冇得食。一收工立即同老公喺公司附近食嘢。点知俾我地发现左红磡广场地库有一间餐厅，金拇指米线🍜。老公最钟意食米线，所以立即就话要去食下。开头见到个名以为铺头主要系食米线，冇其他野食。点知落到去见到个餐牌，真系哗一声。食物款式种类劲多，有健康菜饭，咖哩，铁板扒餐，炒粉面饭，下午茶，米线，咩都有你食。即刻坐低睇吓食乜好，老公最尾转呔叫咗个纽西兰牛扒铁板餐，下午茶时段$53咋。好抵食。我仲留意到原来佢哋下午茶系去到6:30 㗎。到食饭嘅朋友可以当埋晚餐咁食真系抵到加零一。老公话个牛扒淋身，都唔错。而我就叫咗重庆酸辣肉碎汤米线。我叫咗BB辣，真系唔多辣。而佢可以加配嘅𩠌都唔系贵，肥牛/猪扒/鸡扒/猪颈肉/都系加$8咋。超级肚饿嘅我，叫晒呢几款，再加墨鱼丸鱼蛋猪肠。食到捧住个肚走丫！👍🏻猪肠系超级好味，大大嚿但系又洗得好干净，加上佢用咗秘制嘅酱汁整，认真要试吓。👍🏻肥牛份量都唔少，潮州鱼蛋墨鱼丸系我最爱👍🏻猪颈肉鸡扒同猪扒热辣辣， 相信系即炸的，炸嘅时间啱啱好，皮脆肉嫩。喺红磡广场地库可以揾到呢间嘢食，虽然餐厅平民化，似做开街坊生意，但系食物一啲都唔