小明珠

营业中

休息中

又到星期五，约左朋友来到蓝田打波，打完波梗系要医肚，误打误撞来到了"小明珠"。餐厅位于启田道，由地铁站上黎只系需要几分钟，相当方便。招牌小笼包 :一笼有四件，外皮好薄，夹嘅时候要非常小心，内里爆多汁，味道好鲜甜，一人两只真系唔多够喉。 生煎包 :生煎包即叫即煎，外皮煎得香脆，内馅肉嫩多汁，好味道。酸辣汤云吞面 :酸辣汤不嬲都系我最爱，份量都几大碗，上海面入口弹牙，云吞皮薄，菜同肉比例唔错，配埋酸辣汤味道好夹。汤面餐附送冬瓜茶，加８蚊可转豆浆，豆浆味道唔太甜，豆味浓郁。豆沙锅饼 :一碟有八件，细细块一口一件刚刚好，豆沙锅饼煎得够脆，中间嘅豆沙唔会太甜，做甜品岩岩好。埋单每人80蚊，非常抵食，算系值得支持嘅小店。