影片
更多
2020-10-25
151 浏览
今次去到元朗食西餐，原来呢个地方附近都有好多好嘢食！而且距离yoho只系几分钟嘅路程!今次我哋就揾咗间小店去试吓啦！呢间小店环境细细地感觉好温馨，餐牌相片有好多选择，平均百零蚊就有一个主菜加汤、蒜蓉包、饮品。都几多嘢拣，食扒、意粉、意大利饭等等都有。汤我哋就各自拣咗一个蘑菇汤同一个南瓜汤。蘑菇汤好香蘑菇味，唔会太咸亦都唔会太假，口感都食到有少少蘑菇粒，值得一赞。而我就比较钟意南瓜汤，因为个口感好creamy，而且个南瓜都好甜，如果再大份啲就好啦。至于蒜蓉包都好有诚意，上边有好厚嘅蒜蓉。而且食落好松软，拍得住某大薄饼店嘅蒜蓉包！主菜我哋叫咗个猪仔骨配意粉，一上菜就发现佢比我想像中大份好多，两个人食就真系太多啦，佢都烧得啱啱好，唔会好硬。至于个意粉都几有惊喜，通常呢啲跟餐意粉都系白烚好干，但佢系有用橄榄油炒过。睇得出落过心机！另一个系杂扒配薯条。杂扒有鸡扒羊架牛肩胛煎蛋纽伦堡香肠。超级丰富。啲薯条上到嚟仲系热㗎！至于扒就好多唔同嘅选择，啱晒啲食肉兽！另外仲叫咗个Buffalo wings! 50几蚊六只大大只！而且啱啱炸好，味道好惹味！值得一试！饮品方面我哋就冇特别叫佢既特饮啦！我哋叫咗一
呢间小店环境细细地感觉好温馨，餐牌相片有好多选择，平均百零蚊就有一个主菜加汤、蒜蓉包、饮品。都几多嘢拣，食扒、意粉、意大利饭等等都有。
汤我哋就各自拣咗一个蘑菇汤同一个南瓜汤。蘑菇汤好香蘑菇味，唔会太咸亦都唔会太假，口感都食到有少少蘑菇粒，值得一赞。而我就比较钟意南瓜汤，因为个口感好creamy，而且个南瓜都好甜，如果再大份啲就好啦。
至于蒜蓉包都好有诚意，上边有好厚嘅蒜蓉。而且食落好松软，拍得住某大薄饼店嘅蒜蓉包！
主菜我哋叫咗个猪仔骨配意粉，一上菜就发现佢比我想像中大份好多，两个人食就真系太多啦，佢都烧得啱啱好，唔会好硬。至于个意粉都几有惊喜，通常呢啲跟餐意粉都系白烚好干，但佢系有用橄榄油炒过。睇得出落过心机！
另一个系杂扒配薯条。杂扒有鸡扒羊架牛肩胛煎蛋纽伦堡香肠。超级丰富。啲薯条上到嚟仲系热㗎！至于扒就好多唔同嘅选择，啱晒啲食肉兽！
另外仲叫咗个Buffalo wings! 50几蚊六只大大只！而且啱啱炸好，味道好惹味！值得一试！
饮品方面我哋就冇特别叫佢既特饮啦！我哋叫咗一杯冻柠茶同一杯冻朱古力。冻柠茶个茶底都唔错，有茶味！至于杯朱古力都好香浓！
总括嚟讲成间餐厅，系好抵食同埋可以食到一个好完整嘅dinner! 两个餐加小食都系三百几蚊！好多细节位睇得出佢哋好摆心机落去做！系一间可以再试嘅餐厅。
张贴
