大叻越南牛肉粉餐廳 (海灣街)

营业中

休息中

今日中午放lunch 同同事去食越南野，依间餐厅平日12:30pm-2:00pm前劲多人排队同迫爆，因为好多人等位，我地都等咗成30分钟以上先入到去。见到好多等到唔耐烦嘅人都走咗。提提大家，要齐人先入得。间店都算好大。都几多位。不过唔算阔落，仲坐得好迫。佢有个午餐餐牌，点咗个大叻越式双拼饭（猪扒及鸡翼），$54蚊。配左杯热柠茶。佢上菜服务都好快手。首先上咗杯热柠茶，无咩特别同平时饮开跟餐饮果种。讲下个饭，鸡翼同猪扒份量好多，鸡翼炸得好香脆，而且好多肉，入面无血水。而啲猪扒好香碳烧味，而且有少许油同汁，食落去唔会干身。而个饭系葱油饭加豉油，食落口好香葱油味，但饭真系比较硬同干身，所以我加咗好多甜豉油。抵食平民餐，不过环境同卫生有改善，因为啲餐具洗得唔太干净。