升 (已結業)

暂时仲未去到日本，唯有去食omakase 解解乡愁。呢间位于旺角新开业嘅<升>，做紧promotion，二人同行一人半价，晚市计返每人都系七百几蚊，好鬼抵食！虽然平，但系食物非常之有水准，用料都几高级，无论卖相、定系味道、定系整体服务，都令人非常之满意！晚市有三个价钱，$680/980/1280，我就拣咗中间嘅，包含前菜（3点）．特选刺身（4种）．手握寿司（7件）．手卷．一品料理．茶碗蒸·汤．甜品，劲丰盛，食到超级饱。前菜：虾水云+土佐啫喱炙烧鲣鱼矶煮鲍鱼配鲍鱼肝酱三款各有特色，头两款酸酸地好开胃特选刺身：鳕鱼白子蜜柑鲷梭子鱼烟熏鲣鱼口感味道每款都唔同，好刺激味蕾！一品料理：西京烧银鳕鱼银鳕鱼肉嫩滑，配上西京烧嘅煮法，好香口！寿司：石垣贝车海老北寄贝𫚕鱼秋刀鱼大拖罗北海道马粪海胆呑拿鱼茸萝卜手卷寿司每款都好唔同，全部日本空运到港，新鲜又肥美！食完寿司同埋手卷已经好鬼饱，仲有蚬肉清汤同埋松叶蟹茶碗蒸，个蒸蛋好滑溜又足料。最后甜品仲有九州富有柿、蒴饼配北海道红豆，真系大满足。