百份百餐廳 (元州街) (已結業)

今日早收工五点就赶尾班去咗百分百买下午茶外卖，叫咗一个鲜茄焗猪扒饭，一个炸鸡脾薯条配火腿丝汤米粉。鲜茄焗猪扒饭上面有一层好香嘅焗芝士，入边有蕃茄粒粒同洋葱粒粒，猪扒亦都有成个饭盒咁大块，厚度适中，又唔会肥，配上粒粒分明的炒饭底，又几好味。而炸鸡髀亦都外皮炸得香脆，入边嘅肉亦都不会太干身，薯条数量亦都好多，而且仲系好有质感嘅粗薯条。至于个加配嘅火腿丝米粉就冇咩特别。另外，跟餐仲有嘢饮，叫咗热奶茶同热柠水，饮品嘅size比一般快餐店大杯，味道正常。以呢个价钱同食物质素来讲，性价比都算高。