C3

营业中

休息中

远处已经见到大大只C3...舖头全日免加一，我就叫左一个意粉同一个意大利饭。餐汤拣左磨菇汤。都几好饮既，但同我想像中饮惯个啲唔同，呢个系水黎既，如果佢有番啲磨菇蓉，有番啲口感就好啦。有跟番个蒜茸包仔都好既。卡邦尼系基本每一间卖意粉既都有，最可以试出好唔好。个意粉唔淋唔错，个汁就可以再稀多少少，但整体我觉得唔错。鹅肝黑松露意大利饭，我觉得唔错几好味，如果个鹅肝可以再香啲就好啦。个饭仲有啲磨菇既。佢既分量，无论系饭定意粉，我觉得系俾其他餐厅多既，好足，啲饭至少有碗半份量。大大碟，个意粉都系40几蚊，其实几抵食。佢加两蚊变冻饮，我系饮热既，但见隔离枱杯冻饮系啤酒杯既size，一定够饮，两蚊加得抵啦。不足之处就系张枱太矮櫈太高，一系弯腰食，一系你就成碟拎住食啦。而且同格离枱太近，我坐最入，我坐低无几奈隔离就有人坐，上菜又要系人地张床上面传，收野又系，走个阵人地食食下又要起身，坐出面个张枱会好唔方便，成日麻烦到人。