影片
更多
2019-03-16
418 浏览
细个既时候咩都话钟意，咩都话要买要学，只系换黎父母既一句说话「得个三分钟热度」。慢慢大个左就学识专一，专一钟意靓仔，尤其系西班牙既靓仔，所以我半工读西班牙文，一读就已经好几年，对西班牙总有个情意结。就系今日行去告士打道搭巴士既时候发现左呢度开左间新既西班牙餐厅-Tapa Room。佢其实系君临海域酒店地下，湾仔运动场既斜对面。谂住上网睇下呢度既comment ，但系资料唔多，所以行近餐厅八挂下，就有个店员好有善咁行出黎做介绍。原来呢度系2018年年尾开业既，当时只系做晚市，系农历新年过后先开始有午市既。餐厅地方唔算好大，装修有格调，仲好cozy，最钟意系佢有open window bar枱。Menu店员话个menu系暂时性既，之后仲会陆陆续续咁加多d options落去。至于宜家个lunch就分左lunch set同executive lunch set，价钱分别系$128起同$528。Lunch set就有齐汤、小食、主菜、同饮品；而个executive lunch set就可以叹返杯西班牙酒同多几个小食，应该系design比d系附近返工要见客又或者要享受既人黎食是日餐汤-南瓜姜鸡汤
佢其实系君临海域酒店地下，湾仔运动场既斜对面。谂住上网睇下呢度既comment ，但系资料唔多，所以行近餐厅八挂下，就有个店员好有善咁行出黎做介绍。原来呢度系2018年年尾开业既，当时只系做晚市，系农历新年过后先开始有午市既。餐厅地方唔算好大，装修有格调，仲好cozy，最钟意系佢有open window bar枱。
Menu
店员话个menu系暂时性既，之后仲会陆陆续续咁加多d options落去。至于宜家个lunch就分左lunch set同executive lunch set，价钱分别系$128起同$528。Lunch set就有齐汤、小食、主菜、同饮品；而个executive lunch set就可以叹返杯西班牙酒同多几个小食，应该系design比d系附近返工要见客又或者要享受既人黎食
是日餐汤-南瓜姜鸡汤
呢个汤好足料，味道亦都好多层次，南瓜味浓郁，而且带d姜汁味，饮落仲啖啖南瓜蓉，配合埋个鸡汤底，融合出黎，真系意想唔到既清甜
血橙烧牛柳沙律
呢个沙律用左果肉系鲜红色既血橙，食落橙味香浓、香甜而且多汁，果肉仲好饱满tim，至于佢既烧牛柳就恰到好处，肉质嫩滑，加埋洒系面既春卷皮，个沙律除左够fresh之外，仲好有口感
西班牙火腿芝士黑松露烤鸡卷
呢个main都几花功夫，鸡排煎得香脆而入面既鸡肉又可以保持嫩滑，再内层既西班牙火腿就咸味适中，配搭既芝士又唔会膻，加埋黑松露酱，味道仲好有层次tim。至于伴碟既炸薯粒香口唔肥腻，加左味粉仲好惹味tim。另外既伴碟系切左丝既西班牙红椒，呢个完全冇谂过可以咁鲜甜，令整个dish再升华左
张贴
