雅高·33

营业中

休息中

荃湾呢间要排队先有得食嘅西餐厅，到底有咩咁吸引呢？之唔系人人都钟意嘅抵食生蚝，仲有大大件嘅牛扒啰！为咗$10只嘅生蚝，真系排吓队都值嘅！今次试咗两只特价爱尔兰生蚝($10/1）同两只法国芝拉多N1($28/1)。偏绿色𠮶只系爱尔兰，肉厚但蚝味唔重，有点金属味。芝拉多蚝肉结实有弹性，咬落crunchy，蚝味有层次，先有海水味，后有香浓蚝味，必推👍🏻芝士烟肉洋葱焗大磨菇$58，大爱芝士者最高兴莫过于见到芝士满溢嘅情境。芝士味浓配上惹味烟肉和juicy大磨菇，真系绝配两个扒餐都跟沙律、红/白汤、蒜蓉包同热饮，另选薯菜/饭/意粉。罗宋汤偏酸，蒜蓉包香脆够热！香煎澳洲肉眼扒$128，点咗四成熟，上碟卖相精美，生熟程度控制不错，剖面呈粉红色，肉身比想像中薄和肥，肉嫩而煎得香。香煎纽西兰牛仔骨$138，肉味浓，肉薄且有肥膏，过了火喉表面煎干了点。相对地肉眼扒咁大件好抵食。今次贪心两个主菜都叫咗扒，其实见到隔离枱叫咗墨鱼汁意粉都好吸引，下次返嚟要试吓！