常滿百家菜

营业中

休息中

朋友推介呢间抵食火锅放题, 加埋点心任食都系$158蚊加一一位, 真系性价比甚高！楼上铺地方几大, 装修酒楼格局！椰子炖鸡汤锅汤底入面有椰子和鸡髀, 煲滚先饮一碗汤再打边炉, 好香浓椰子味！火锅配料有十多款, 肥牛、海虾、手打丸类, 剔纸点单。自助大排档酒楼设有大排档, 自取啤酒汽水、各式丸类和蔬菜, 选择都算几多。除咗火锅配料, 仲有好多熟食凉菜、薯条、串烧、当归炆鸡脚、猪皮猪红、猪脚姜, 多不胜数！鸡肉串烧好入味, 肉质嫩滑。炆鸡脚有当归尾, 炆得淋身黏口, 充满骨胶原。晚饭时间就好少食点心, 所以最后就点咗几个奶黄包和马拉糕。奶黄包有流心。马拉糕软熟热辣辣, 新鲜炮制！仲有红豆沙、番薯糖水同我最钟意嘅豆腐花, 食埋甜品, 就为呢一餐划上完美句号。