影片
更多
2014-03-19
1451 浏览
之前团购咗2碗拉面, 好似半价咁上下, 其实好耐之前行过见到呢间拉面, 但太多人, 所以冇入去试过, 又咁啱见到咁抵, 于是买嚟试试..............由于上次七点左右经过已经好多人, 于是今次专登早D出嚟, 当是未够六点半, 所以仲有大把位, 一到差不多七点, 已经坐满咁济, 可能佢呢度地方唔大, 廿几个位再加几个BAR枱位, 所以其实都好易满坐, 而枱与枱之间都几近下, 坐得唔系太自在, 所以都系快食快走................由于系团购, 所以特别有个MENU, 只有约十款拉面比你选, 对我地未食过的人嚟讲, 当然冇问题, 但最大问题系全部得个名, 完全唔知系咩𩠌, 只知系咩汤底, 就算正价果个MENU都系冇介绍每款拉面有咩𩠌, 咁样唔系太好, 一系你就逐样问, 一系好似我地咁, 求其撞嚟叫~叫完拉面后, D姐姐会系咁介绍你叫小食呀饮品呀咁, 到食完时, 又会拎个甜品MENU介绍, 有好又有唔好~ 八王子拉面系牛骨汤底, 味道唔算太浓, 而且都几油下, 至于配料有洋葱粒、大葱圈、海带、1片鸣门卷、半只溏心蛋、芽菜, 𩠌就系类似猪颈肉的物体, 有4片, 点解话系类
叫完拉面后, D姐姐会系咁介绍你叫小食呀饮品呀咁, 到食完时, 又会拎个甜品MENU介绍, 有好又有唔好~八王子拉面
系牛骨汤底, 味道唔算太浓, 而且都几油下, 至于配料有洋葱粒、大葱圈、海带、1片鸣门卷、半只溏心蛋、芽菜, 𩠌就系类似猪颈肉的物体, 有4片, 点解话系类似猪颈肉? 因为平时食果D猪颈肉系好爽, 但佢呢D好林, 不过个样又似猪颈肉, 又系烧熟的, 我当佢系猪颈肉咋~ 相反个拉面就好弹牙, 好爽, 似系真正的日本拉面~ 自家豚组面
系猪骨汤底, 味道比牛骨汤底浓, 而仲冇咁油, 配料都系一式一样, 只系𩠌就变咗做切到一粒粒的叉烧, 佢d叉烧外面有的黑椒碎, 应该系腌料, 因为咁啱有d边位, 所以先食到黑椒粒, 变咗有少少辣, 个肉都好爽口, 虽然你见佢唔肥, 但一d都唔un, 又多粒, 粒粒都有半吋咁上下~仙台盐烧牛舌粒
有大约十几粒, 粒粒都有半吋咁大, 烧得都几香口, 面头有少少盐, 咬落又好够林, 开头食热辣辣, 觉得好正, 但唔知点解食多几粒之后, 有少少反胃的感觉, 好似好油腻咁~ 吉列广岛蚝
有4只, size唔大, 如果唔系热辣辣, 真系可以一口一只, 但由于新鲜炸好, 好鬼死热, 要分几啖先食得哂, 个皮系吉列猪果d皮, 好脆, 但都几由下, 睇下垫底果张吸油纸就知~ 个粉浆皮唔算好厚, 按比例都系只蚝占多d~ 唔知系咪只蚝细得济, 唔系好食到有蚝味~当食完主菜后, 侍应姐姐拎个甜品menu比我地, 仲劲推介雪糕同布甸, 话啱啱今日先返到, 我见佢个MENU印哂日文, 猛话抵食, 话佢自己都成日买嚟食, 咁见佢廿零蚊, 又以为系日本空运到, 所以叫咗一杯雪糕一杯布甸, 点知食食下八挂睇下佢个成份, 先见到原来唔系日本制的, 系香港葵涌某工厦制的, 激死~ 如果系香港制, 只得咁细杯, 又真系唔系好抵lor~~ 虽然味道唔错~
紫蕃薯雪糕
真系有一粒粒紫蕃薯粒, 而且都几香蕃薯味, 又唔会太甜, 最好就系食完唔会放屁~ 北海道牛奶布甸
食落唔系真系好浓牛奶味, 不过都有d牛奶香味, 都几滑, 我最钟意个樽, 于是问下侍应姐姐可唔可以拎走, 佢不但话可以, 仲叫我地食完话比是旦一位姐姐听, 佢地会帮我洗埋个樽tim~ 虽然系水滴滴咁比返我, 但都叫洗咗~ 整体上食物同招呼都唔错, 上菜速度都算快, 可能系我地果阵冇乜人挂? 而且见佢好多肥仔画, 同侍应姐姐d衫一样, 原本想影低d画, 但幅幅画下面都有人坐, 我惊比人话做乜影佢, 所以只能用文字形容~
张贴
