越男仔 (已結業)

餐厅效率快，人来人往，好快就有一枱食完，唔洗点等位。一黎见到餐牌已经呆左，面食$60-70，小食只不过系$20-40内，抵到烂。先黎个柚子番茄，系冻食黎嘅，酸酸甜甜好开胃。再黎个$35就食到嘅烟三文鱼卷，你睇个样都知有别于其他三文鱼卷，下边系越色嘅生菜猪肉粉丝卷，加上一堆嘅三文鱼块，一啖食落去有多重嘅口感。好啦，黎两杯青柠梳打同利宾纳梳打，造型都几特别。牛油鸡翼同埋虾饼都非常香脆，系必叫之选。重头戏就系生牛肉河同埋胡志明市番茄猪扒米，牛肉同猪扒都好入味，一碗嘅分量好大，再加上岩岩叫嘅小食两个人都未必食得哂，重点系嗌咁多都系两百几咋