堤岸越南餐廳 (已結業)

最后一堂响佐敦上堂,同友人又想试新野,响OP见到有食评,一于食最爱的捞檬,唔熟路,兜了一个圈先揾到,小店格局,原本想散叫,但见有2人餐,$198,可惜套餐无捞檬,店方话加$5/碗,可以转俾我地,叫了,猪颈肉和扎肉鸡丝捞檬,鱼露檬汁味道甜酸度刚好,檬粉好爽,配菜/份量等亦足够,唔错!见到捞檬就开心,唔记得影相!炸软壳蟹-配沙律酱,如果配椒盐会好一点,蟹炸得香脆,唔油,唔腥,而且,几好肉!小食拼盘:有扎肉,荤蹄,春卷,味道一般,但有一款好似炸虾饼的小食,薄薄的包住虾胶,几好味青柠soda-好多青柠片,透心凉餐后,重有糖水,其实,我唔多食糖水,见细细碗,腐竹薏米,又几清甜㖞唔贵,.抵食,水准几好,满意!