夢工房西日料理 (已結業)

今晚朋友话在葵芳收工，想揾我食大餐，咁我哋去咗好爵中心梦工场，餐厅主打日式放题又有火锅，啱晒我朋友口味，坐位宽敞舒适，服务员跟单收碟都很快手，先叫餐前小食，芝麻八爪鱼，蒜味螺肉及中华沙律都好味，新鲜菠萝劲甜同juicy,再来一碟剌身，剌身非常新鲜，三文鱼腩肥美入口即溶，八爪鱼爽口弹牙，甜虾鲜甜味十足，寿司细细粒，一件一口刚好，羊扒松软有羊味，黄金烧蚝有芝士面，嘢味十足，蒜香烧蚝，劲多蒜蓉，香味浓郁，天妇罗样样都唔错，炸粉皮薄香脆，蒜香鸡翅都炸得外脆内软又juicy,跟住就再食火锅，配料普通，但有至爱炸鱼皮同新鲜爽脆靓菜，真系要捧住个肚，但都要食埋女仕至爱的甜品，餐厅有雪糕，雪条同蛋糕，真系大满足。