影片
更多
2023-06-10
1770 浏览
谂一谂，原来都好耐无食过韩国嘢，今晚趁老婆自己都有饭局，就约咗老表晌荃湾食韩国嘢。餐厅就喺佢公司后面，所以，可以讲就晒佢，佢就话呢间嘢唔错，定价好街坊，可以讲喺平靓正之选，仲喺街坊饭堂。 店内环境唔喺好大，左右两边卡位，中间可以变化嘅六人枱，算喺整齐企理，楼底亦算高，所以，感觉唔会好局促，而墙上好多色彩缤纷非常吸引嘅食物照片。仲有，啲卡位椅背加高咗，中间啲枱仍继续放啲隔板，就算唔喺为防疫，都比较卫生多啲！翻一翻翻睇，有好多选择，确实定价相宜，分类有石头锅饭、铁板烧饭、汤类、饭类、韩式凉拌、辛辣面、汤年糕、2-4人套餐、小食、部队锅及饮品，仲要唔收加一，我哋就睇啱个二人餐A （$228），因为包咗好多嘢，性价比超高。 呢度用二维码落单，相信依家唔少人都熟习使，唔使多介绍。枱侧嘅抽柜放满餐具、餐纸，就好似茶记嘅设计咁样，方便啲食客嘛！ 二色前菜食韩国嘢其中一个特色就啲前菜，套餐包咗两款，分别喺韩式泡菜及凉拌海带，既能够清新吓，又可以作为间场。啲泡菜好啱我口味，因为唔太辣，口感带点爽脆 而海带柔韧有咬牙，充满麻油香味。 韩式煎泡菜饼最欣赏就喺个煎饼以铁板形式上，所以，食到中段都仲喺热焫焫，此
店内环境唔喺好大，左右两边卡位，中间可以变化嘅六人枱，算喺整齐企理，楼底亦算高，所以，感觉唔会好局促，而墙上好多色彩缤纷非常吸引嘅食物照片。仲有，啲卡位椅背加高咗，中间啲枱仍继续放啲隔板，就算唔喺为防疫，都比较卫生多啲！
翻一翻翻睇，有好多选择，确实定价相宜，分类有石头锅饭、铁板烧饭、汤类、饭类、韩式凉拌、辛辣面、汤年糕、2-4人套餐、小食、部队锅及饮品，仲要唔收加一，我哋就睇啱个二人餐A （$228），因为包咗好多嘢，性价比超高。
呢度用二维码落单，相信依家唔少人都熟习使，唔使多介绍。
枱侧嘅抽柜放满餐具、餐纸，就好似茶记嘅设计咁样，方便啲食客嘛！
二色前菜食韩国嘢其中一个特色就啲前菜，套餐包咗两款，分别喺韩式泡菜及凉拌海带，既能够清新吓，又可以作为间场。啲泡菜好啱我口味，因为唔太辣，口感带点爽脆 而海带柔韧有咬牙，充满麻油香味。
韩式煎泡菜饼最欣赏就喺个煎饼以铁板形式上，所以，食到中段都仲喺热焫焫，此外，不得不赞个煎饼煎得香口，里面有好多泡菜同韭菜，食落去饼身软糯，味道丰富，确喺做得有水准。
韩式煎泡菜饼
10 浏览
0 赞好
0 留言
炆牛肋骨煲套餐写明包一个白饭，正正用嚟衬返呢个牛肋骨煲，牛肋骨都睇得见裁到好大件，好有肉地，咬落去口感松化，肉味极之浓郁，绝对喺真材实料，连啲萝卜亦都好鲜甜，皆因吸满汤汁，而个汤本身都唔好错，浓而不浊，极具香气。
石头传统杂锦牛肉饭细细个认识韩国菜就喺石头锅饭，唔系讲笑，嚟到过石锅真喺热到出烟，除咗牛肉，饭面仲放有泡菜、菠菜、芽菜、紫菜、萝卜丝、鸡蛋黄，再加上啲韩式甜辣酱佐食，捞匀一齐食真喺食味一流，而且，仲有啲饭焦晌底，正呀喂。
石头传统杂锦牛肉饭
12 浏览
0 赞好
0 留言
热蜂蜜苹果茶、冻蜂蜜红枣茶套餐包任拣两款冷热饮品，喺转特饮先要加$12，我哋就悭啲啲饮番基本嘅都OK。睇样你都知喺用现成货开冲，不过，小弟杯蜂蜜红枣茶又真喺几有红枣香味，带蜜糖清香，又几唔错㖞。
呢个餐真喺超抵食，食到我哋都好饱㖭，再者，食物有一定质素，招呼亦都好好，店员都好有礼貌，怪唔之得未嚟到食饭高峰时间，已经坐到满晒人，亦见到有唔少外卖，可见几受街坊欢迎。
张贴
