影片
更多
2022-04-28
2071 浏览
地址－锅心粥底火锅 (德成街)佐敦德成街1-5号康源阁地下A-B舖终于总算挨完第五波，为庆祝仲未成为“新人类”，就趁有堂食晚市时即约朋友去食下饭，顺便互相庆祝(一定系)，咁我就拣左呢间作为第一次堂食晚市的第一站。一坐低，就见到枱上已经有餐牌放左系度，一睇见到有几个餐可以拣，分别系肉蟹+沙白蚬，龙虾+沙白蚬同埋龙虾+肉蟹+沙白蚬，拣完之后就有当日唔同的时令海鲜可以比我地拣，最后就有唔同的火锅配料可供选择，种类非常丰富，最重要系咁多野食，价钱都系$200至$250就有交易，就算要特别的食材，都系加几十蚊就有，仲要免加一，真系好抵！好唔容易拣完食咩后，就有职员已经走黎介绍佢地个沙姜粒，话试左好多次，觉得佢同海鲜等好夹下，可以用黎蘸酱用，试过就觉得所言非虚，食物会多左一层味道，好特别，好快佢地就送上我地拣选的食物了。💋土耳其柠檬及苹果汽水，听侍应所讲，呢2支饮品系佢地独家代理，所以推介我地要试下，一饮之下，果然冇介绍错，味道几特别，同我地平时饮开的汽水有讲唔出的分别，如果佢大支D就好啦，哈。💋龙虾 / 肉蟹 + 沙白蚬，佢系枱上已经放左块牌，提你每款食材的烚煮时间，呢个做法几好，唔怕会担心几时
佐敦德成街1-5号康源阁地下A-B舖
终于总算挨完第五波，为庆祝仲未成为“新人类”，就趁有堂食晚市时即约朋友去食下饭，顺便互相庆祝(一定系)，咁我就拣左呢间作为第一次堂食晚市的第一站。一坐低，就见到枱上已经有餐牌放左系度，一睇见到有几个餐可以拣，分别系肉蟹+沙白蚬，龙虾+沙白蚬同埋龙虾+肉蟹+沙白蚬，拣完之后就有当日唔同的时令海鲜可以比我地拣，最后就有唔同的火锅配料可供选择，种类非常丰富，最重要系咁多野食，价钱都系$200至$250就有交易，就算要特别的食材，都系加几十蚊就有，仲要免加一，真系好抵！好唔容易拣完食咩后，就有职员已经走黎介绍佢地个沙姜粒，话试左好多次，觉得佢同海鲜等好夹下，可以用黎蘸酱用，试过就觉得所言非虚，食物会多左一层味道，好特别，好快佢地就送上我地拣选的食物了。
💋土耳其柠檬及苹果汽水，听侍应所讲，呢2支饮品系佢地独家代理，所以推介我地要试下，一饮之下，果然冇介绍错，味道几特别，同我地平时饮开的汽水有讲唔出的分别，如果佢大支D就好啦，哈。
💋龙虾 / 肉蟹 + 沙白蚬，佢系枱上已经放左块牌，提你每款食材的烚煮时间，呢个做法几好，唔怕会担心几时至捞得上黎，会唔会过老的问题，首先讲下龙虾，龙虾虽然2个人都比半只，但都算大只，食落肉质弹牙，都有少量膏，食落鲜甜，肉蟹方面肉厚蟹味浓，虽然冇膏，但味道都系鲜甜，沙白蚬D肉大大粒，食落冇砂，好爽。
💋虾，花甲，蛏子，带子，多宝鱼，估唔到佢嘅虾系大头虾，好有惊喜，我地初初以为系普通海虾，D虾到临渌之前都仲保持生猛，店员仲好细心咁提示要用夹放下一阵才好放手，虾肉弹牙，大部份都呈现红色的实膏，正，花甲就虽然唔太大只，但肉身都算大粒，冇砂，蛏子食落鲜甜弹牙，仲几大条下，带子方面虽然同我地想像的有所唔同，但都几大粒，肉质弹牙鲜甜，最后，多宝鱼佢比左足足半条，细心地切好晒一件件比我地，方便食用，呢条多宝鱼肉身好厚身，D骨唔算多，而且都系大大条，唔怕啃亲。
💋自家制手打鸡骨丸及马蹄鸡滑，当享受完一场海鲜飨宴后，店员就即刻送上唔同的火锅料，首先讲下佢两款自家制手打丸，2款都系鸡肉打成，而其中一款加入鸡软骨落去，咬落弹牙之余，附上鸡软骨的特别口感及声音，一次过满足听觉及味觉的享受，正，而马蹄方面就带来截然不同的清新口感，食落解腻不少，而且佢地有个共通点，就系鸡肉肉汁丰沛，唔会好似食柴一样(利申：未食过柴)。
💋肥牛，油炸鬼，小笼包，韮菜饺及农场鸡件，之后就食比较常见的火锅料，肥牛虽然睇落偏瘦，但食落牛味依然足够，值得一赞，小笼包我就觉得新奇，比较少见到佢系火锅店中出现，食时都要小心，一咬就咇左D汤汁出黎，好正，韮菜饺中的韮菜味香浓，而农场鸡件真心食落都几有鸡味，虽然有D系胸，但都唔算太柴，几好。
💋海鲜味南瓜粥，食完火锅料后都已经饱左一半，但店员呢个时间就主动走黎为我地添加粥胆，又准备左D菜甫等食材一齐煮，将一开始的南瓜同芋头粒整碎后搅拌而成，最后我地自己另外加入人见人爱的芫茜一齐食，味道一流，加上火锅料中预先留下的油炸鬼，口感层次丰富，虽然明知呢煲粥劲邪恶，但都食得晒，我见有客直情问侍应拎个盒装返屋企食。
最后想讲呢度D职员主动有礼，每次上菜都会解释上左咩食材，会讲解有咩特色，服务态度一流，值得一赞！
张贴
