LAB10 (裝修中)

今晚同老婆出开朗豪坊行街，见到呢间舖食韩国野，而且仲有烧肉食又唔系贵。装修比较简洁，座位都唔小。入面唔觉有油烟味，所以个炉抽风好好。Lab cube，每种味有两支，青苹果、士多啤梨同芒果，佢另外仲有个杯比你倒埋一齐，好似中学做实验咁。另外叫左杯CoCo，呢杯比较消暑，主要系椰青水同西瓜汁，清凉得黎唔系好甜。牛牛板，有7份牛唔同部位既肉，最好味非牛小排莫属，油脂分布唔错，比牛后腹相对腍。而厚切牛舌就比较爽口有咬口。韩式牛肉炒粉丝，无想像中咁浓味，味道恰到好处，出奇地好食。韩式海鲜葱饼，比其他地方食开厚身，底同面都好脆。