茶木‧台式休閒餐廳 (德福廣場1期)

营业中

休息中

今日同朋友喺徳福行完街，突然想食台湾野，见到原来有间茶木，环境新装修得唔错，座位阔落，够哂开扬，十分舒适，都好适合朋友聚会。我哋要咗二人餐，非常抵食，叫咗台湾街头小食拼盘盐酥鸡扒、台湾肠同炸贡丸，一次过满足晒去夜市嘅感觉。仲要左红油抄手同麻辣猪耳，味道惹味。煮食叫咗一个招牌台湾红烧牛肉面，牛肉采取牛腩部位，炆得好淋，够入味，肉质腍软，份量都好多仲配埋萝卜，果然系招牌菜。另一款要咗三文鱼茶渍汤饭，呢款用上高汤，食嘅时候倒啲汤再加一啲脆嘅米通同樱花虾，好好味嘅汤饭饱肚感一流。既然去食台式料理，点少得点一啲台式特饮，要咗个佛手柑水果茶，茶木嘅选择都非常多，可以选唔同嘅茶汤底，要左金宣乌龙，酸酸甜甜，又带有茶嘅甘香，岩哂消滞解腻！另一款要咗铁观音奶茶配寒天，值得一试！最期待就系我哋试咗佢嘅抹茶鲜果流心欧软，其实系台式雪糕吐司，入面系有烟韧麻糬配上抹茶奶盖，任作为饭后甜品岩哂！