CoCo壹番屋 (新港中心)

营业中

休息中

一直都对日式咖喱冇乜特别兴趣，不过因为做嘢嘅关系，见佢冇乜人阻住我做嘢，就谂住入去试吓，冇谂过意外地觉得都好唔错。我入到去环境都唔系话好嘈，可能真系咁岩冇乜人，职员路即刻行过嚟帮我做安心出行。服务都好亲切，服务员都即刻俾杯水我，见我拎部电脑出嚟，都冇话赶住要我落单。我最后叫咗一份吉列猪扒芝士咖喱饭同一杯冻柠茶。吉列猪扒芝士咖喱饭，充满着怀旧日本咖喱饭嘅味道。佢嘅吉列猪扒炸到好脆皮，猪扒唔会话好干，都几多汁飞出嚟。个芝士可以拉丝，成个感觉好唔错。咖喱唔会太辣，咖喱味都几重，甜甜哋，捞埋饭食唔会太腻。整体嚟讲都唔错，以我唔太钟意食咖喱嚟讲，我都赞佢。