大丈夫食堂 (已搬遷) 新店位置

餐廳比較細，7點去到啱啱滿座，咁就要等位啦，我喺門口向侍應示意咗2位，佢用手勢表示OK，之後有另一位客人過尼攞位，但侍應就比左飛佢地，咁我就向佢地查詢表示不解，雖然最後都解決到，但佢地既攞位方式真係冇乜系統，會造成混亂。三文魚親子丼三文魚腩幾大片同好肥美，三文魚子好飽滿而且味道幾好！至於湯、沙律、甜蛋都唔錯。炸海鮮丼有炸蠔炸蝦同炸魚三種海鮮。其中炸蠔同炸魚較好食。兩者炸得外脆內軟，唔會過乾。炸蝦就較一般，正常水準。定食包埋茶碗蒸。蛋夠滑，味道幾好，唯一不足係菇味太重，有少少喧賓奪主。餐廳可以任添飯同沙律，所以一定唔會唔夠飽😂侍應雖然係唔太醒目，但態度都幾好既，而且食物都幾抵食，所以都值得再幫襯。