漁釧 (將軍澳中心) (已結業)

成日夜晚行过呢间日本嘢见到都好多人食😋，经常想揾机会试下，但系就冇记性成日唔记得，咁啱最近有一日平日放假就食咗！由于系一个仲读紧书嘅学生好有诚意咁请我食生日饭，唔想佢洗太多钱同原本系好想食鱼生嘅我，最终都拣咗食黑咖喱吉列猪扒饭。 而佢就食咗黑松露烧鸡饭。黑咖喱吉列猪扒饭定食🙂黑咖喱味道普通，偏酸，唔辣唔甜，但系唔难食🙁吉列猪扒有啲干，炸浆唔脆，猪味唔浓😋茶碗蒸好滑，几好味👍🏻黑松露烧鸡扒定食😀鸡扒系即烧嘅👍🏻，不过味道就一般，唔算好香，黑松露酱唔算浓味，加埋一齐食唔难食，但系又唔系特别好食其实系呢间铺头应该食嘅系鱼生同串烧，相信会系几出色嘅。下次自己比钱时会试下🤣今次嘅午餐食物质素就中规中矩，但系商场坐得舒服咁食一餐饭，仲有埋沙律，面豉汤，茶碗蒸，同主食都系$78，都算非常超值。