吉豚屋吉列豬扒專門店

营业中

休息中

炮台山想食日本野真系唔系咁多选择，茶餐厅实在系周围都有，所以今日无意中发现呢间吉豚屋既时候真系好兴奋，可以用好抵既价钱食到日式野。最好彩既系午餐时间都唔洗等位！！！餐厅有多款炸物套餐选择，最平既4~50蚊有交易。不过最抵系而家做紧特价既套餐，包括滑旦猪扒饭（梅）＋野菜豚肉汤（大）＋饮品都只系$59!呢间餐厅最抵赞既系豚肉汤，因为汤真系好足料，入面有多块豚肉、红萝卜片、白萝卜片仲有薯仔等煮成，味道鲜甜。主角既滑旦猪扒饭亦保持到水准，猪扒唔会太软而加左旦之后好香，饭上仲有洋葱同猪扒汁，好惹味，三两下就可以食晒！