築地日本料理 (結志街) (已結業)

黎到呢间餐厅好似去左日本咁，入面用左好多日本旧电影海报做装饰，好有心好特别! 座位都坐得好舒服。前菜叫左日式胡麻野菜冷豆腐，豆腐上面有D木鱼碎，胡麻酱好香，食落好开胃。叫左个三文鱼反卷，上面仲有三文鱼籽，入面系牛油果，食落好fresh，感觉呢到既食材都好新鲜。盐烧油甘鱼鲛煎到好香，鱼皮仲有少少脆，就咁单食鱼肉已经好鲜甜。天妇罗盛都出色，最钟意系天妇罗虾，虾肉好弹牙! 炸日本紫薯饼表面炸到好酥脆，入面除左紫薯仲有栗子粒，紫薯味好突出，甜甜地。日式冷乌冬系扁身幼乌冬，系烟韧个款。呢到cp值真系几唔错。