大阪日本料理

营业中

休息中

呢排天气逐渐转凉，即刻谂起暖笠笠嘅牛肉锅！🥘呢间隐世小店，应该住喺元朗嘅朋友仔就有可能食过。牛肉锅加乌冬🥓一上枱见到咁多牛肉有少少兴奋🤣牛肉嘅份量相信多到唔使食饭都够饱！寿喜烧汤甜甜地几好饮，啲乌冬吸晒汤汁👍🏻😋肥牛唔会太肥，不过有少少煮得耐咗，有两三旧会比较硬身。不过味道系不错的！相信无论配饭定系乌冬都会满足！香辣炸鸡拉面🍜以一个套餐来讲，炸鸡份量都算唔少，炸到外皮好香脆，再点埋沙律酱，感觉会冇咁干！不过食落冇咩辣味🤣拉面就比较普通，汤底比较淡。呢一间小店有寿司，定食，其他不同小食选择。价钱都好相宜，推荐大家可以一试！不过舖头比较细，可能平时夜晚都要等位。