元祖和風食堂虎藏 (已結業)

第一次食呢间嘢，系因为冇乜其他选择。大年初一，好多食肆都收咗工，但系呢一间仍然开住，所以就同屋企人走咗入去食。一睇餐牌，我最钟意食嘅滑蛋猪扒饭竟然只系买38蚊，我仲谂佢会唔会系份量好少，或者好难食？碗饭一嚟到，份量都唔算细，竟然系用珍珠米，猪扒亦都唔细旧，当然滑蛋汁唔算多，但配合起上嚟味道亦都非常之好，简直系令我跌晒眼镜。因为太抵食，我仲叫咗个炸薯饼，薯饼不过不失，都有薯仔味。我另外仲用十几蚊叫咗一杯雪糕新地饮品，呢个价钱平时就咁叫杯柠水都唔得，佢竟然可以食到雪糕新地。屋企人叫嘅嘢食，就被滑蛋猪扒饭贵少少，但系都只不过系40至60蚊，味道同样不错，呢一餐嘅性价比我觉得系全香港揾唔到嘅。